Pages

ရခိုင်စာနန့်ပက်သက်လို့

Saturday 24 August 2013

သတ္ထုဗိမ္ဗ သုတ္တန် တရားတော်

သတ္ထုဗိမ္ဗ သုတ္တန် တရားတော်




(ဗုဒ္ဓဆင်းထု ကိုးကွယ်မှုနှင့်ပတ်သက်၍ အကျိုးဖလအာနိသံသကို မဟာစန္ဒသူရိယ မင်းကြီးနှင့် ဓညတီ တိုင်းသူပြည်သား လူအများရို့အား မြတ်စွာဘုရားသျှင် ဟောကြားတော်မူခရေ သတ္ထုဗိမ္ဗသုတ္တန်တရားတော်)

နမော တဿ ဘဂဝတော အရဟတော သမ္မာသမ္ဗုဒ္ဓဿ သောဘဂဝါ ဓညဝတီရဋ္ဌံ စန္ဒသူရိယရာဇာနံ အာရဗ္ဘ၊ ဣဒံသတ္ထု ဗိမ္ဗသုတ္တံကထေသိ။

ဒသဗလော၊ အားတော်ဆယ်ပါးနှင့် ပြည့်စုံတော်မူထသော။ မာရဇိနော၊ မာရ်စစ်သည်အပေါင်းရို့ကို အောင်မြင်ခြင်း ဟိတော်မူထသော။ အတုလော၊ သီလအစဟိသော ဂုဏ်တော်ရို့ဖြင့် တစုံတစ်ယောက်သောသူနှင့် တူမျှတော်မမူထသော။ သမ္မာသမ္ဗုဒ္ဓေါ၊ သစ္စာပါးမြတ်တရားကို ပိုင်းခြားထင်ထင် သိမြင်တော်မူထသော။ သောဘဂဝါ၊ သုံးလောကထွဋ်ထား ထိုမြတ်စွာဘုရားသည်။ ဓညဝတီရဋ္ဌံ။ ဓညဝတီတိုင်းကြီးသို့။ အာဂန္တွာ၊ ကြွလာတော်မူပြီး၍။ စန္ဒသူရိယရာဇာနံ၊ မဟာစန္ဒသူရိယအမည်ဟိသော မင်းကြီးကို။ အာရမ္ဗ၊ အကြောင်းပြု၍။ ဣမံ၊ ဤသတ္ထုဗိမ္ဗသုတ်တော်ကို။ ကထေသိ၊ ဟောကြားမြွက်ဖော် မိန့်ဟတော်မူခပါလီသတည်း။

၁။ ။ ဒေဝလောကေ မနုေဿစ၊ အပရာ ပရစေတနာ၊
အာစိက္ခမေ မဟာဝီရ၊ သောတုမိစ္ဆာမိ တံဂုဏံ။

မဟာဝီရ၊ ကြီးသောလုံ့လဟိတော်မူထသော မြတ်စွာဘုရား။ ဒေဝလောကေစ၊ နတ်ရွာခြောက်ထပ် အထက်အရပ်၌ လည်းကောင်း။ မနုေဿစ၊ လူများပျော်ရာ အောက်ရပ်ရွာ၌ လည်းကောင်း။ အပရာ ပရစေတနာ၊ အဆက်ဆက်သော စေတနာ၏ အကျိုးရို့ကို။ မေ-မမ၊ စန္ဒသူရိ နာမတွင်ခေါ် ဘုရားတပည့်တော်အား။ အာစိက္ခ၊ ဟောကြားတော်မူပါလော။ တံဂုဏံ၊ ထိုရုပ်ပွားတော်ကို ကိုးကွယ်ပူဇော်ရသော အကျိုးဖလ အာနိသံသကို။ အဟံ၊ မဟာစန္ဒသူရိယ နာမတွင်ခေါ် ဘုရားတပည့်တော်သည်။ သောတုံ၊ နာကြားမှတ်သားအံ့သောငှါ။ ဣစ္ဆာမိ၊ အလိုဟိလှပါ၏ အသျှင်ဘုရား။

၂။ ။ သောတဿ ဝစနံ သုတွာ၊ ဘဂဝါဧတမဗြဝီ၊
သာဓု သာဓု မဟာရာဇ၊ တမတ္တံပုစ္ဆ တံတယာ။

သောဘဂဝါ၊ ထိုသုံးလူထိပ်တင် ဘုရားသျှင်သည်။ တဿ၊ ထိုမဟာစန္ဒသူရိနာမ မည်တွင် ဘဝသျှင်မင်းတြား၏။ ဝစနံ၊ တောင်းပန်လျှောက်ထားသော စကားကို။ သုတွာ၊ ရွှေနားတော်မြတ် ကြားတုံလတ်၍။ မဟာရာဇ၊ ရခိုင်ဘုရင် ဘဝသျှင်မင်းမြတ်လောကနတ်။ သာဓု သာဓု၊ ကောင်းလီစွ ကောင်းလီစွ။ တယာ၊ မဟာစန္ဒသူရိယ နာမမည်တွင် သင်ဘဝသျှင်သည်။ ပစ္ဆိတံ၊ မိန်းအပ်သော။ တံမတ္ထံ၊ ထိုသို့ဂုဏ်ထူးကျေးဇူးများကို။ အဟံ၊ သုံးလူသခင် ငါ ဘုရားသျှင်သည်။ ကထေဿမိ၊ ဟောကြားပေအံ့။ ဣတိ ဧတံ၊ ဤသို့သော စကားတော်ကို။ အဗြဝီ၊ မိန့်တော်မူပြီ။

၃။ ။ ယေနရာ ပဋိမာကရာ၊ လေခကာစ ဗြမ္ဗမဟူ
မဟာဂုဏေ လဘန္တိတေ၊ ကထေဿမိ သုဏောဟိမေ။

မဟာရာဇ၊ သမုတ္တိနတ် အိုမင်မြတ်။ ယေနရာ၊ အကြင်သူရို့သည်။ ပဋိမာကရာ၊ ငါဘုရား၏ ကိုယ်စား ဆင်းတုတော်၊ ရုပ်ပွားတော်ရို့ကို ပြုလုပ်စီမံကြကုန်၏။ လေခကာစ၊ အဆင်းလှပတင့်တယ်သော ဆီးရို့ဖြင့် ရေးမူလည်း ရေးဆွဲကြကုန်၏။ တေနရာ၊ ထိုလူအပေါင်း သူတော်ကောင်းရို့သည်။ ဗြမ္ဗမဟူ မဟာဂုဏေ၊ မြတ်ကုန် များစွာကုန်သော အကျိုးဖလ အာနိသံသရို့ကို။ လဘန္တိ၊ ရကြလီကုန်၏။ အဟံ၊ မြတ်ဗုဒ္ဓဟု နာမညထင်ရှား ငါဘုရားသည်။ ကထေဿာမိ၊ ဟောကြားပေအံ့။ တွံ၊ သင်တကာတော် မင်းမြတ်ကျော်သည်။ မေ၊ ငါဘုရား၏။ ဝစနံ၊ ဟောကြားပေတတ်စကားတော်မြတ်ကို။ သုဏောဟိ၊ မှတ်သား၍သာ နာကြားပါလော။

၎။ ။မိစ္ဆာ ဒိဋ္ဌိက ဌာနေသု၊ အသညာ အရူပီနောစ
သဒ္ဓ ဝန္တာ နဇာယန္တိ၊ ဗိမ္ပံလေခဿိဒံ ဖလံ။

မဟာရာဇ၊ ရခိုင်ဘုရင် ဘဝင်သျှင်မင်းမြတ် လောကနတ်။ သဒ္ဓဝန္တာ၊ သဒ္ဓါတရာပွားများခြင်းနှင့် ပြည့်စုံကုန်သော။ ယေနရာ၊ အကြင်များပြားလှစွာ မျိုးလေးဖြာရို့သည်။ ဗိမ္ဗံ၊ ငါဘုရား၏ကိုယ်စား ရုပ်ပွားဆင်းတုတော်ကို။ ကရာ၊ ရေသွန်းထုလုပ်ခြင်းကို ပြုကြကုန်ရာ၏။ တေနရာ၊ ထိုသို့များစွာ မျိုးလေးဖြာရို့သည်။ မိစ္ဆာ ဒိဋ္ဌိက ဌာနေသုစ၊ မိစ္ဆာဒိဋ္ဌအယူဟိသော ပုဂ္ဂိုလ်ရို့၏ဖြစ်ရာဌာန ဘုံဘဝရို့၌လည်းကောင်း။ အသညာ အရူပီနောစ၊ အသညသတ် ဗြဟ္မာ ၊ အရူပ ဗြဟ္မာရို့၌လည်းကောင်း။ နဇာယန္တိ၊ မဖြစ်ကုန်။ဣဒံ၊ ဤသည်ကား။ ဗိမ္ဗံ၊ ငါဘုရား၏ ရုပ်ပွားဆင်းတုတော်ကို။ လေခဿ၊ ရေသွန်းလုပ်၍ ကိုးကွယ်ပူဇော်ခြင်း၏ ဖလံ၊ အကျိုးဂုဏ်အင် အာနိသင်ပါပေတည်း။

၅။ ။ အထဝါ အသည သတ္တေသု၊ အရူပေသု တထေဝစ
သဒ္ဓ ဝန္တာ နဇာယန္တိ၊ ယေနရာ ဗိမ္ဗ မုတ္တနံ။

မဟာရာဇာ၊ အရိယာနွယ်ဝင် ဘဝသျှင်မင်းမြတ်လောကနတ်။ သဒ္ဓဝန္တာ၊ သဒ္ဓါတရားပွားများ ကြကုန်သော။ ယေနရာ၊ အကြင်များပြားလှစွာ မျိုးလေးဖြာရို့သည်။ ဥတ္တမံ၊ မြတ်သော။ မေ၊ ငါဘုရားသျှင်၏။ ဗိမ္ဗံ၊ ရုပ်ပွားဆင်းတုတော်ကို။ ကရာ၊ ရေထုသွန်းလုပ်၍ ပူဇော်ခြင်းကို ပြုကြကုန်၏။ တေနရာ၊ ထိုသို့များစွာမျိုးလေးဖြာရို့သည်။ ဥတ္တမံ၊ မြတ်သော။ မေ၊ ငါဘုရားသျှင်၏။ ဗိမ္ဗံ၊ ရုပ်ပွားဆင်းတုတော်ကို။ ကရာ၊ ရေသွန်းထုလုပ်ခြင်းကို ပြုကြကုန်ရာ၏။ တေနရာ၊ ထိုသို့များစွာ မျိုးလေးဖြာရို့သည်။ အသည သတ္တေသုစ၊ အသညသတ်ဘုံရို့၌လည်းကောင်း။ အထဝါ၊ ထိုမှတပါး။ အရူပေသုစ၊ အရူပလေးဘုံရို့၌လည်းကောင်း။ တထေဝ၊ ထို့အတူသာလျှင်။ နဇာယန္တိ၊ မဖြစ်ကုန်။

၆။ ။ပစ္စန္တိကေ နဇာယန္တိ၊ မဇ္ဈိမေယေဝ ဇာယရေ၊
မိစ္ဆာ ဒိဋ္ဌီ နဇာယရေ၊ ဣတ္ထိ ဗျဉ္ဇန ပဏ္ဍကာ။

မဟာရာဇာ၊ မဟာစန္တသူရိယဘုရင် ဘဝသျှင်မင်းမြတ်လောကနတ်။ ယေနရာ၊ အကြင်သူရို့သည်။ မေ၊ ငါဘုရား၏။ ဗိမ္ဗံ၊ ရုပ်ပွားဆင်းတုတော်ကို။ ကရာ၊ ရေးထုသွန်းလုပ်၍ ပူဇော်ခြင်းကိုပြုကြကုန်၏။ တေနရာ၊ ထိုသူရို့သည်။ ပစ္စန္တိကေ၊ ပစ္စန္တရာဇ် ဇနပုဒ်အရပ်၌။ နဇာယန္တိ၊ မဖြစ်ကုန်။ မဇ္ဈိမေယေဝ၊ ဗုဒ္ဓသာသနာဖြစ်ထွန်းရာ မဇ္ဈိမတိုက်အရပ်၌သာလျှင်။ ဇာယရေ-ဇာယန္တိ၊ ဖြစ်ကြကုန်၏။ မိစ္ဆာဒိဋ္ဌီ၊ မှားသော်အယူဟိသူရို့သည်လည်းကောင်း။ ဣတ္ထိဗျဉ္ဇန ပဏ္ဍကာစ၊ မ-မ (မိန်းမ) ဥဘတောဗျဉ်း၊ မဏ္ဍုတ်ရို့သည်လည်းကောင်း။ နဇာယရေ နာဇာယန္တိ၊ မဖြစ်ကုန်။

၇။ ။ ကာလကဉ္စိက နာမေသု၊ ဟီနေသွသူရ ကေသုစ။
ပေတလောတကေ တိရိစ္ဆာနေ၊ နတေဂစ္ဆန္တိ ဒုဂ္ဂတိံ ။

မဟာရာဇာ၊ ဥပသကာ ဒါယကာ မင်းမြတ်လောကနတ်။ တေ၊ ထို ငါဘုရား၏ ရုပ်ပွားတော်ကို လှူဒါန်းပူဇော်သော သူရို့သည်။ ကာလကဉ္စိက နာမေသု၊ ကာလ ကဉ္စိက အမည်ရကုန်သော။ ဟီနေသု၊ ယုတ်ညံ့ကုန်သော။ အသူရကေသုစ၊ အသုရာမျိုးရို့၌လည်းကောင်း။ ပေတလောကေစ၊ ပြိတ္တာဘုံ၌လည်းကောင်း။ တိရစ္ဆာနေစ၊ တိရိစ္ဆာန်ဘုံ၌လည်းကောင်း။ နဇာယရေ-နဇာနန္ဒိ၊ မဖြစ်ကုန်။ ဒုဂ္ဂတိံ စ၊ မကောင်းသော သူရို့လားရောက်ရာ ဌာန ဒုဂ္ဂတိဘုံဘဝသို့လည်း။ နဂစ္ဆန္တိ၊ မလားရောက်နိုင်ကုန်။

၈။ ။ နိဇ္ဈာမ တဏှ ပေတသု၊ ခုပ္ပိပါယာမိ ပီဠိတာ။
သဒ္ဓ ဝန္တာ နဇာယန္တိ၊ ယေဗိမ္ဗံ လေခကာ ကရာ။

မဟာရာဇာ၊ ရက္ခိုင် ရီမြီပိုင်သစိုးလတ် လောကနတ်။ သဒ္ဓ ဝန္တာ၊ သဒ္ဓါတရား လွန်ပွားများကြကုန်သော။ ယေနရာ၊ အကြင်သူရို့သည်။ ဗိမ္ဗံ၊ ငါဘုရား၏ ရုပ်ပွားဆင်းတုတော်ကို။ ကရာ၊ သွန်းထုပြုလုပ်ခြင်းဖြင့်မူလည်း။ ရေးဆွဲပူဇော်ကြကုန်၏။ တေနရာ၊ ထိုလူရို့သည်။ နိဇ္ဈာမတဏှ ပေတေသု၊ နိဇ္ဈာမတဏှိက ပြိတ္တာမျိုးရို့၌။ ခုပ္ပိပါသာဟိ၊ ငတ်မွတ်ခေါင်းပါးခြင်းရို့သည်။ ပီဠိကာ၊ နှိပ်စက်အပ်ကုန်သည်။ နဇာယန္တိ၊ မဖြစ်ကုန်။

၉။ ။ မဟာ အဝီစိ နာမကေ၊ တထာ လောကန္တရေသုစ။
န်ိရယေသုနုပ္ပဇ္ဇန္တိ၊ ယေဗိမ္ဗံ လေခကာ ကရာ။

မဟာရာဇ၊ ရက္ခိုင် ဘုရင်မဟာစန္ဒသူရိယမင်းမြတ် လောကနတ်။ ယေနရာ၊ အကြင်သူရို့သည်။ ဗိမ္ဗံ၊ သွန်းထုပြုလုပ်အပ်သော ရုပ်ပွားဆင်းတုတော်မြတ်ကို။ လေခကာ၊ တင့်တယ်သပ္ပါယ်သော ပန်းချီဆီးရည်ရို့ဖြင့် ရေးမူလည်း ရေးသားကြကုန်အံ့။ ကရာ၊ လှူဒါန်းပူဇော်မှုကိုလည်း ပြုကြကုန်၏။ တေနရာ၊ ထိုလူရို့သည်။ မဟာအဝီစိ နာမကေ၊ မဟာအဝီစိ မည်သော ငရဲ၌လည်းကောင်း။ တထာ၊ ထိုမှတပါး။ လောကန္တရေသုစ၊ လောကန္တရိက အမည်ဟိသော။ နိရယေသုစ၊ ငရဲရို့၌လည်းကောင်း။ နုပ္ပဇ္ဇန္တိ၊ မဖြစ်ကုန်။

၁၀။ ။ တံ ကမ္မံ ကုသလံကတွာ၊ ယာဝဇီဝံ အနုဿရေ၊
နဇာယန္တိ ဒုဂ္ဂတိမှိ၊ အဝီစိမှိ နိရယေ တပေ။

ဟိ၊ မှန်၏။ မဟာရာဇ၊ မဟာစန္ဒသူရိယ ဘုရင်မင်းမြတ်လောကနတ်။ ယေနရာ၊ အကြင်သူရို့သည်။ ကုသလံ၊ ကောင်းမြတ်လှစွာသော။ တံကမ္မံ၊ ထိုရုပ်ပွားဆင်းတု ပူဇော်ခြင်းအမှုကို။ ကတွာ၊ ပြုလုပ်ကြကုန်၍။ ယာဝဇီဝံ၊ အသက်ဆုံးသည်တိုင်အောင်။ အနုဿရေ၊ အစဉ်မသွေ အောင့်မိကုန်၏။ တေနရာ၊ ထိုလူရို့သည်။ ဒုဂ္ဂတိမှိ၊ မကောင်းသောသူရို့လားရောက်ရာဖြစ်သော။ တပေ၊ ပူလောင်လှစွာသော။ အဝီစိမှိ၊ အဝီစိအမည်ဟိသော။ နိရယေ၊ ငရဲပြည်၌။ နဇာယန္တိ၊ မဖြစ်ကုန်။

၁၁။ ။ယောယံ ကလျှာဏံ ဗိမ္ဗဉ္စ၊ ပတ္တေန္တော တိဝိဓံသုခံ။သံသရိတွာန သံသာရေ၊ ဒေဝသုခဉ္စ မာနသံ။

 မဟာရဇာ၊ မဟာစန္ဒသူရိယဘုရင်မင်းမြတ်လောကနတ်။ ယော-ယံ၊ အကြင်သူသည်။ တိဝိဓံ၊ သုံးပါးအပြားဟိသော။ သုခံ၊ လူနတ်နိဗ္ဗာန် ချမ်းသာမှန်ကို။ ပတ္တေန္တော၊ မြော်မြင်တောင့်တ လိုချင်လှသည်ဖြစ်၍သာလျှင်။ ကလျှာဏံ၊ ကောင်းမြတ်လှစွာသော။ ဗိမ္ဗံ၊ ငါဘုရား၏ကိုယ်စား ရုပ်ပွားဆင်းတုတော်ကို။ ကရေယျ၊ သွန်းထုရေးသားကိုးကွယ် မှုကိုပြုလုပ်ငြားအံ့။ ပူဇေယျ၊ မြတ်နိုးကော်ရော် ပူဇော်ငြားအံ့။ သောနရော၊ ထိုသူသည်။ သံသာရေ၊ သံသရာ၌။ သံသရိတွာ၊ ကျင်လည်၍။ မာနသံ၊ လူရို့၏ ဥစ္စာဖြစ်သော စည်းစိမ်ချမ်းသာကို လည်းကောင်း။ ဒေဝသုခဉ္စ၊ နတ်ရို့၏ စည်းစိမ်ချမ်းသာကို လည်းကောင်း။ လဘတိ၊ မုချပိုင်ပိုင် ရယူခံစားနိုင်၏။ 

၁၂။ ။ သြက္ကန္တမတ္တာ ယေဓိရာ၊ တံကုလံအတိဝဍ္ဎတိ၊နိရယေသု နုပ္ပဇ္ဇန္တိ၊ ယေဗိမ္ဗံ လေခကာ ကရာ။

မဟာရာဇ၊ ရက္ခိုင် ဘုရင်မဟာစန္ဒသူရိမင်းမြတ် လောကနတ်။ ယေဗိမ္ဗံလေခကာကရာ၊ ငါဘုရား၏ ရုပ်ပွားဆင်းတုတော်ကို သွန်းထုပြုလုပ်၍ ပူဇော်ခဖူးကြသော။ ယေဓိရာ၊ အကြင်ပညာဟိရို့သည်။ သြက္ကန္တမတ္တာ၊ ဘဝ ပဋိသန္ဓေစွဲကပ်ကာမျှဖြစ်ကုန်၏။ တံကုလံ၊ ထိုအမျိုးသည်။ အတိဝဍ္ဎတိ၊ အလွန်တိုးပွား အကျိုးများ၏။ ဟိရညေန၊ ငွေဖြင့်လည်းကောင်း။ သုဝဏ္ဏောန၊ ရွှီဖြင့်လည်းကောင်း။ ဓနဓညေန၊ ပစ္စည်းဥစ္စာ စပါးရတနာရို့ဖြင့်လည်းကောင်း။ဝဍ္ဎတိ၊ မုချမသွေတိုးပွားလီ၏။ တေဓိရာ၊ ထိုပညာဟိရို့သည်။ နိရယေသု၊ ငရဲရို့၌ ။ နုပ္ပဇ္ဇန္တိ၊ မဖြစ်ကုန်။

၁၃။ ။ ပုတ္တေန ဒါသိ ဒါသေန၊ ဟတ္တိ အဿရထေနစ၊ပဝဍ္ဎတိ နုပ္ပဇ္ဇန္တိ၊ အာဗာဓာ မာတုယာ ဒုက္ခံ။

မဟာရာဇ၊ မြတ်သောစန္ဒသူရိယဒါယကာမင်းကြီး။ တံကုလံ၊ ငါဘုရား၏ ရုပ်ပွားတော်ကို ကိုးကွယ်ပူဇော်ခကြသော ထိုအမျိုးရို့သည်။ ပုတ္တေန၊ သားသမီးဖြင့်လည်းကောင်း။ ဒါသိဒါသန၊ ကျွန်မိန်းမကျွန်ယောက်ျားဖြင့်လည်းကောင်း။ ဟတ္ထိအဿ ရထေနစ၊ ဆင်မြင်းရထားလှည်းယာဉ်အားဖြင့်လည်းကောင်း။ ပဝဍ္ဎတိ၊ အများ အပြားတိုးပွားလီ၏။ မာတုယာ၊ ရုပ်ပွားဆင်းတုကိုးကွယ်ခဖူးသောလူ၏ ပဋိသန္ဓေနေခြင်းကိုခံရသော မိခင်အား။ အာဗာဓာ၊ အနာရောဂါဟူသမျှရို့သည်လည်းကောင်း။ ဒုက္ခံ၊ ဆင်းရဲ ဒုက္ခဟူသမျှသည်လည်းကောင်း။ နုပ္ပဇ္ဇန္တိ၊ မဖြစ်ကုန်။

 ၁၄။ ။ ဒေဝေသု ဒေဝရာဇာနော၊ မနုေဿသု မနုရာဇာ၊စတုဒိပေ ဣဿရောစ၊ ဗုဒ္ဓဗိမ္ဗဿိဒံ ဖလံ။


မဟာရာဇ၊ မြတ်သောမင်းကြီး။ ဒေဝေသု၊ နတ်ပြည်ရို့၌။ ဒေဝရာဇာနောစ၊ နတ်မင်းရို့သည်လည်းကောင်း။ မနုေဿသု၊ လူ့ပြည်ရို့၌။ စတုဒီပေ၊ လေးကျွန်းလုံး၌။ ဣဿရော၊ အစိုးရသော။ မနုရာဇာစ၊ လူရို့သနင်း စကြာဝတေးမင်းသည်လည်းကောင်း။ ဟောန္တိ၊ အမှန်မသွေဖြစ်ရလီကုန်၏။ ဣဒံ၊ ဤသည်ကား။ ဗုဒ္ဓဗိမ္ဗဿ၊ ဗုဒ္ဓရုပ်ပွားဆင်းတုများကို ပူဇော်ရသောကုသိုလ်၏။ ဖလံ၊ အကျိုးဂုဏ်အင် အာနိသင်ပါပေတည်း။ 

၁၅။ ။ သုဘဂဝါ ဒေဝရူပါစ၊ ဇိတာမတ္တာ အရောဂိနော၊သမိဒ္ဓါ ဝီရယာတေသံ၊ ဗုဒ္ဓဗိမ္ဗဿိဒံ ဖလံ။

မဟာရာဇ၊ မြတ်သောမင်းကြီး။ သုဘဂဝါ၊ ကောင်းစွာလှပတင့်တယ်ကြကုန်သော။ ဒေဝရူပါစ၊ နတ်၏အဆင်းနှင့်တူသော အဆင်းဟိသူရို့သည်လည်းကောင်း။ ဇိတာမိတ္တာစ၊ ရန်သူရို့ကို အောင်နိုင်သူရို့သည်လည်းကောင်း။ အရောဂိနောစ၊ အနာရောဂါ မဟိသူရို့သည်လည်းကောင်း။ ဝီရိယာ၊ လုံးလ၊ ဝီရိယ အားထုတ်မှုရို့သည်လည်းကောင်း။ သမိဒ္ဓါစ၊ ပြည့်စုံခြင်းဟိကုန်သည်လည်းကောင်း။ ဟောန္တိ၊ ဖြစ်ကုန်၏။ ဣဒံ၊ ဤသည်ကား။ တေသံ၊ ထိုရုပ်ပွားဆင်းတု ပူဇော်မှုပြုသူရို့၏။ ဗုဒ္ဓဗိမ္ဗဿ၊ ဘုရားဆင်းတုကိုးကွယ်မှုကို ပြုသောကုသိုလ်၏။ ဖလံ၊ အကျိုးဂုဏ်အင် အာနိသင်ပါပေတည်း။ 

၁၆။ ။ အကိလန္တာ တေကာယာ၊ သုခံနိစ္စံ အရောဂိနော။ အန္တော ကုစ္ဆိ ဝသန္တာနံ၊ ကောစိ ရောဂေါ နုပ္ပဇ္ဇတိ။

မဟာရာဇ၊ စန္ဒသူရိယ ဘုရင်မင်းမြတ် လောကနတ်။ တေတယာ၊ ရုပ်ပွားဆင်းတု ပူဇော်ခဖူးသောထိုသူရို့သည်။ အကိလန္တာစ၊ မပင်မပန်းသောကိုယ်ကာယ ဟိကုန်သည်လည်းကောင်း။ သုခံ၊ ချမ်းသာစွာ။ နိစ္စံ၊ အမြဲ။ အရောဂိနောစ၊ အနာရောဂါ မဟိကုန်သည်လည်းကောင်း။ ဟောန္တိ၊ ဖြစ်ကုန်၏။ အန္တော ကုစ္ဆိ ဝသန္တာနံ၊ အမိဝမ်း ပဋိသန္ဓေစွဲကပ်နိန်ကြသော ရုပ်ပွားဆင်းတု ကိုးကွယ်မှုကိုပြုခဖူးသော ထိုသူရို့အား။ ကောစိရောဂေါ၊ တစ်စုံတစ်ရာသော ရောဂါမျိုးသည်။ နဥပ္ပဇ္ဇတိ၊ မုချပိုင်ပိုင်မဖြစ်နိုင်ရာ။

၁၇။ ။ ဇဟိတွာ မာနုဿံဒေဟံ၊ ဒေဝလောကေ ဥပ္ပဇ္ဇန္တိ။ဝိမာနံ လဘန္တိ သေဋ္ဌံ၊ ရုစိရံဝ ပဘရဿရံ။

 မဟာရာဇ၊ မြတ်သောမင်းမြတ်။ မာနုဿံ၊ လူ၌ဖြစ်သော။ ဒေဟံ၊ ခန္ဓာကိုယ်ကို။ ဇဟေတွာ၊ စွန့်လီကုသည်ဟိသော်။ ဒေဝလောကေ၊ နတ်ပြည်၌။ ဥပ္ပဇ္ဇန္တိ၊ ဖြစ်ရလီကုန်၏။ သေဋ္ဌံ၊ အထူးသဖြင့် အလွန်အလွန်ကောင်းမြတ်သော။ ရုစိရံ၊ နှစ်သက်ဖွယ်ဟိသော။ ပဘရဿရံ၊ ပြိုးပြိုးပြက်ပြက် အရောင်တလက်လက်ထွက်သော။ ဝိမာနံ၊ စံမြန်းဖို့ရန် ဘုံဗိမာန်ကိုသာလျှင်။ လဘန္တိ၊ မုချပိုင်ပိုင် ရဟိနိုင်ကြကုန်၏။


၁၈။ ။ အာဏိဏ္ဏာ ဒေဝကညေဟိ၊ အစ္ဆရာ ကာမဝဏ္ဏိနီ။သဋ္ဌိသူရိယ သဟေဿဟိ၊ ပပ္ပေါဋေန္တီ ကရောန္တိတာ။

မဟာရာဇ၊ ရက္ခိုင်ပြည်သျှင် ဘုရင်မင်းမြတ်လောကနတ်။ ယေနရာ အကြင်သူရို့သည်။ ဗိမ္ဗံ၊ ငါဘုရား၏ရုပ်ပွားတော်ကို။ ကရာ၊ ကိုးကွယ်ပူဇော်ခြင်းကိုဖြုကြကုန်၏။ တေနရာ၊ ထိုသူရို့သည်။ မာနုဿံ၊ လူ့ပြည်၌ဖြစ်သော။ ဒေဟံ၊ ခန္ဓာကိုယ်ကို။ ဇဟိတာ၊ စွန့်ရွှတ်ကုန် ၍။ ဒေဝကညေဟိ၊ နတ်သမီးအပေါင်းရို့ဖြင့်။ အာဏိဏ္ဏာ၊ ရောပြွမ်းကုန်သည်။ ဟောန္တိ၊ ဖြစ်ကုန်၏။ ကာမဝဏ္ဏိနီ၊ တပ်နှစ်သက်ဖွယ်ကောင်းသော အဆင်းနှင့်ပြည့်စုံကုန်သော။ တာအစ္ဆရာ၊ ထိုနတ်သမီးရို့သည်။ ပပ္ပေါဋေန္တီ၊ လက်ပန်းပေါက်ခတ်ကုန်လျှက်။ သဋ္ဌိသူရိယ သဟေဿဟိ၊ ခြောက်သောင်းကုန်သော နတ်တူရိယာအပေါင်းရို့ဖြင့်။ ကရောန္တိ၊ တီးမှုတ်ဖျော်ဖြေခြင်း အမှုရို့ကိုပြုကြလီကုန်၏။

၁၉။ ။ မရစကာလေ အသံမုဠှာာ၊ ဥဇုံဂစ္ဆန္တိ သုဂတိံ။ပဏ္ဍိတာ ဒါနသူရာစ၊ ဗုဒ္ဓ ဗိမ္ဗဿိဒံ ဖလံ။ 

မဟာရာဇ၊ ရက္ခိုင်ပြည်သျှင် ဘုရင်မင်းမြတ်လောကနတ်။ တေနရာ၊ ထိုဆင်းတုတော်ကို ထုလုပ်ကိုးကွယ် လှူဒါန်းပူဇော်ခဖူးသော သူရို့သည်။ မရဏကာလေ၊ သီခါနီးကာလ၌။ အသံမုဠှာ၊ မတွေဝေသည်ဖြစ်၍။ သုဂတိံ၊ ကောင်းသောသူရို့လားရောက်ရာဖြစ်သော သုဂတိဘုံဌာနသို့။ ဥဇုံ၊ ဖြောင့်မတ်စွာ။ ဂစ္ဆန္တိ၊ မုချမသွေ လားရောက်ရလီကုန်၏။ ပဏ္ဍိတာစ၊ ပညာဟိကုန်သည်လည်းကောင်း။ ဒါနသူရာစ၊ အလှူဒါန၌ ရဲရင့်ကုန်သည်လည်းကောင်း။ ဟောန္တိ၊ ဖြစ်ကုန်၏။ ဣဒံ၊ ဤသည်ကား။ ဗုဒ္ဓဗိမ္ဗဿ၊ ဘုရားဆင်းတု ထုလုပ်ကိုးကွယ်မှု ကုသိုလ်၏။ ဖလံ၊ အကျိုးဂုဏ်အင်အာနိသင်ပါပေတည်း။

၂၀။ ။ ကရိတွာ ပဋိမံသေဋ္ဌံ၊ လိဓိတွာစ ယထာရဟံ။မဟာတေဇာ သဒါဟောန္တိ၊ ဝိမလော သူရိယောယထာ။

မဟာရာဇ၊ ဘုရင်မင်းမြတ် လောကနတ်။ ယေနရာ၊ အကြင်သူရို့သည်။ သေဋ္ဌံ၊ မြတ်လှစွာသော။ ပဋိမံ၊ ငါဘုရား၏ ရုပ်ပွားဆင်းတုတော်ကို။ ကရိတွာစ၊ သွန်းထုပြုလုပ်၍လည်းကောင်း။ လိခိတာစ၊ တင့်တယ်လှပသော ဆီးရို့ဖြင့်ရေးချယ်ကုန်၍ လည်းကောင်း။ ယထာရဟံ၊ တတ်နိုင်သည်အားလျှော်စွာ။ ပူဇေန္တိ၊ ပူဇော်ကြကုန်၏။ တေနရာ၊ ထိုလူရို့သည်။ ဝိမလော၊ အညစ်အကြေးကင်းစင်သော။ သူရိယောယထာ၊ နီမင်းကဲ့သို့။ သဒါ၊ အခါခပ်သိမ်း။ မဟာတေဇာ၊ ကြီးသောတန်းခိုးဟိကုန်သည်။ ဟောန္တိ၊ ဖြစ်ကုန်၏။

၂၁။ ။ ဇစ္စန္ဓဇာတိယာ စေဝ၊ အန္ဓ ဗဓိရ ဇာတိယာ။မူဂပက္ခာ နဇာယန္တိ၊ ဝိသုဒ္ဓ ဝစနာဟောန္တိ။

မဟာရာဇ၊ ရက္ခိုင်ပြည်သျှင် ဘုရင်မင်းမြတ်လောကနတ်။ ယေနရာ၊ အကြင်သူရို့သည်။ ဗိမ္ဗံ၊ ငါဘုရား၏ ရုပ်ပွားဆင်းတုတော်မြတ်ကို။ ကရာ၊ လှူဒါန်းပူဇော်ကော်ရော်ခြင်းကို ပြုကြလီကုန်၏။ တေနရာ၊ ထိုသူရို့သည်။ ဇစ္စန္ဓဇာတိယာ စေဝ၊ ဝမ်းတွင်းကန်းသော ပဋိသန္ဓေဟိသူရို့သည်လည်းကောင်း။ အန္ဓဗဓိရ ဇာတိယာစ၊ မျက်စိကန်းသူ နားထိုင်းသူရို့သည်လည်းကောင်း။ မူဂပက္ခာစ၊ ဝမ်းတွင်း ဆွံ့ အ,သောသူရို့သည်လည်းကောင်း။ နဇာယန္တိ၊ မဖြစ်ကြလီကုန်။ ဝိသုဒ္ဓဝစနာဝ၊ သန့်ယှင်းပြေပြစ်သော စကားဟိသော သူရို့သည်သာလျှင်။ ဟောန္တိ၊ ဖြစ်ကုန်၏။

၂၂။ ။ ကုဋ္ဌံ ဂဏ္ဍောစ ကိလာသော၊ သောသောစ အပ္ပမတ္တကောအပမာရော နဇာယန္တိ၊ ဗုဒ္ဓ ဗိမ္ဗ ဿိဒံ ဖလံ။

မဟာရာဇ၊ ရက္ခိုင်ပြည်သျှင် ဘုရင်မင်းမြတ်လောကနတ်။ သဒ္ဓဝန္တာ၊ ကြည်ညိုခြင်း သဒ္ဓါတရားဟိကြကုန်သော။ ယေနရာ၊ အကြင်သူရို့သည်။ ဥတ္တမံ၊ မြတ်စွာသော။ ဗိမ္ဗံ၊ ငါဘုရား၏ ရုပ်ပွားဆင်းတုတော်ကို။ ကရာ၊ လှူဒါန်းပူဇော်ကော်ရော်ခြင်းကို ပြုကြလီကုန်၏။ တေသံ၊ ထိုသူရို့အား။ ကုဋ္ဌဉ္စ၊ နူနာသည်လည်းကောင်း။ ဂဏ္ဍောစ၊ အိုင်အနာသည်လည်းကောင်း။ ကိလာသောစ၊ ခြောင်းဆိုးရောဂါ အဆုတ်နာသည်လည်းကောင်း။ သောသောစ၊ ပန်းနာရင်ကျပ် သလိပ်ကပ် ကုဟိနာသည်လည်းကောင်း။ အပမတ္တကော၊ စကေချေမျှသော။ အပမာရောစ၊ မိလျှော့တတ်သော ဝက်ရူးကြက်ရူးနာသည်လည်းကောင်း။ နဇာယန္တိ၊ မဖြစ်နိုကြကုန်။ ဣဒံ၊ ဤသည်ကား။ ဗုဒ္ဓဗိမ္ဗဿ၊ ဗုဒ္ဓရုပ်ပွားတော်ကို ပူဇော်ရသော ကုသိုလ်၏။ ဖလံ၊ ရဟိအပ်သော အကျိုးကျေးဇူးပေတည်း။

၂၃။ ။ အန္တရာယ ကရာယေဗိမ္ဗံ၊ ပစ္စာ မိတ္တာစုပဒ္ဒဝါ။ပက္ခမူဂါ ဒျန္တရာယာ၊ ကာယေတေသံ နသြက္ကမုံ။

မဟာရာဇ၊ ရက္ခိုင်ပြည်သျှင် ဘုရင်မင်းမြတ်လောကနတ်။ ဧကေ၊ အချို့ကုန်သော။ ယေနရာ၊ အကြင်သူရို့သည်။ ဗိမ္ဗံ၊ ငါဘုရား၏ ရုပ်ပွားဆင်းတုတော်ကို။ ကရာ၊ လှူဒါန်းပူဇော်ခြင်းကိုပြုကြကုန်၏။ တေသံ၊ ထိုသူရို့၏။ ကာယေ၊ ကိုယ်၌။ အန္တရာယကရာ၊ အန္တရာယ်ကိုပြုတတ်ကုန်သော။ ပစ္စာမိတ္တာစ၊ ရန်သူရို့သည်လည်းကောင်း။ ဥပဒ္ဒဝါစ၊ ဘေးဥပါဒ်ရို့သည်လည်းကောင်း။ ပက္ခမူဂါ ဒျန္တရာယာ၊ အ,ခြင်း၊ ဆွံ့ခြင်း စသောအန္တရာယ်ရို့သည်လည်းကောင်း။ နသြက္ကမုံ၊ မကပ်ရောက်နိုင်ကြလီကုန်။

၂၄။ ။ ဒွေကုလေ ဥပပဇ္ဇန္တိ၊ ခတ္တိယေ စာပိ ဗြဟ္မဏေ။မဟာဓနေ မဟာဘောဂေ၊ မဟစ္စ ကုလမုတ္တမေ။

မဟာရာဇ၊ ရက္ခိုင်ပြည်သျှင် မဟာစန္ဒသူရိယ ဘုရင်မင်းမြတ်လောကနတ်။ ယေနရာ၊ အကြင်သူရို့သည်။ ဗိမ္ဗံ၊ ရုပ်ပွားဆင်းတုတော်ကို။ ကရာ၊ လှူဒါန်းပူဇော်ခြင်းကို ပြုကြလီကုန်၏။ တေနရာ၊ ထိုသူရို့သည်။ မဟာဓနေ၊ များသောဥစ္စာဟိသော။ မဟာဘောဂေ၊ များသော အသုံးအဆောင်ဟိသော။ မဟစ္စ ကုလမုတ္တမေ၊ ဇာတ်အားဖြင့် မြင့်မြတ်သော အမျိုးဖြစ်သော။ ခတ္တိယေစာပိ၊ မင်းမျိုး၌လည်းကောင်း။ ဗြဟ္မဏေစာပိ၊ ပု ဏ္ဏားမျိုး၌လည်းကောင်း။ ဒွေကုလေ၊ အမျိုးနှစ်ပါး၌။ ဥပ္ပဇ္ဇန္တိ၊ ဖြစ်ရလီကုန်၏။

၂၅။ ။ ဉာတိယော သုခိနော ဟောန္တိ၊ အာရောဂါစ မာတာပိတာ။အန္တောကုစ္ဆိ ဝသန္တာနံ၊ ကောာစိရောဂေါ နုပ္ပဇ္ဇတိ။

မဟာရာဇ၊ မြတ်သောမင်းကြီး။ ယေနရာ၊ အကြင်သူရို့သည်။ ဗိမ္ဗံ၊ ငါဘုရား၏ ရုပ်ပွားဆင်းတုတော်ကို။ ကရာ၊ လှူဒါန်းပူဇော်ကော်ရော်ခြင်းကို ပြုကြလီကုန်၏။ တေသံ၊ ထိုသူရို့၏။ ဉာတိယောစ၊ ဆွေမျိုးတော်စပ်သော သူရို့သည်လည်း။ သုခိနော၊ ကျန်းမာချမ်းသာသော ကိုယ်စိတ်နှစ်ပါးဟိကြကုန်သည်။ ဟောန္တိ၊ ဖြစ်ကုန်၏။ မာတာပိတာစ၊ အမိ အဖရို့သည်လည်း။ အရောဂါ၊ အနာရောဂါ မဟိကုန်သည်။ ဟောန္တိ၊ ဖြစ်ကုန်၏။ အန္တောကုစ္ဆိ ဝသန္တာနံ၊ အမိဝမ်း၌ ပဋိသန္ဓေနိန်ကြကုန်သော။ တေသံ၊ ထိုသူရို့အား။ ကောစိရောဂေါစ၊ တစ်စုံတစ်ခုသော အနာရောဂါမျိုးသည်လည်း။ နုပ္ပဇ္ဇတိ-နဥပ္ပဇ္ဇတိ၊ မဖြစ်နိုင်။

Wednesday 27 February 2013

ရခိုင်သား အကောင်းစားနန့်မတန်လား

ရခိုင်သား အကောင်းစားနန့်မတန်လား
--------------------
ရခိုင်လူမျိုးတွင် ကိုယ်ပိုင်စာပီဟိပါသည်။ ကိုယ်ပိုင်ယဉ်ကျေးမှု ဟိပါသည်။ယေဒါလေ့
အေဂုလက်ဟိ ရခိုင်အနုပညာအောက်က အခြီအနီကိုဆိချေလောက် ဝီဖန်ချင်ပါသည်။
စာပီ ယဉ်ကျေးမှုဆိုင်ရေ ကဗျာ၊ဝတ္ထု နန့် တေးခြင်း တိကိုပါ။
ကဗျာ၊ဝတ္ထုများမှာ လူတိုင်းစိတ်ဝင်းစားမှုကို မရဟိနိုင်ကေလေ့ တေးခြင်းရို့မှာ
လူတိုင်းစိတ်ဝင်းစားမှုကို ပိုရနိုင် ခံစားနိုင်ကတ်ပါသည်။
*တေးခြင်း
----------
ရခိုင်တေးခြင်းခွေတစ်ခွေထွက်လာတိုင်းထွက်လာတိုင်း ရခိုင်သားအိမ် (၁၀၀)မှာ အိမ်(၅၀)လောက်က
မာစတာခွေ Original ခွေကိုဝယ်ကတ်ပါသည်။ကျန်ရေ အိမ်(၅၀)က Copy ခွေဝယ်လို့နားထောင်ကတ်ခြင်းတော့မဟုတ်ပါ။
ဆင်းရဲလို့မဝယ်နိုင်ကတ်လို့ရာဖြစ်ပါသည်။သူရို့တိလေ့ ကောင်းအားပီးချင်ဝယ်ချင်ကတ်ပါသည်။
သို့ရာတွင် ရခိုင်တေးခြင်းခွေများမှာ ပေါ့ပျက်ပျက်ဖြစ်လာသည်။ရခိုင်သားဗမာခွေထွက်စွာလောက်ကို အဆင့်မမှီတေးခြင်းတိများပါလတ်ပါရေ။
(အဓိက အာရုံစူးစိုက်အားထုတ်မှုမပါဘဲ အပေါစားဖန်တီးထားမှုများ တဆတ်ဆတ်များပါလတ်ပါသည်။)ယေဇူးနန့် ရခိုင်သားရို့တွင်
ရခိုင်တေးခြင်းအကောင်းစားကို နားထောင်ဖို့၊ခံစားနိုင်ဖို့၊ဂုဏ်ယူနိုင်ဖို့ အခွင့်အရီးမဟိပါလား။
ရခိုင်သားရေ အကောင်းစားနန့် မတန်လို့ပါလား တသျှင်ကြီးရို့။
ရခိုင်သားချေ ရခိုင်သမချေရို့မှာ Mp3,Mp4,Phone,Phone မှာ Ringtones ရို့မှာ ဆရာရို့သီဆိုရေ ရခိုင်တေးခြင်းတိကို
ဂုဏ်ယူမက်မောစွာ မထည့်သွင်းကတ်လို့ပါလား။ရခိုင်ပြည် လက္ဘရည်ဆိုင်ရို့မှာ အိမ်ရို့မှာ ဆရာရို့တေးခြင်းတိကို ဂုဏ်ယူမက်မောစွာနားမထောင်ကတ်လို့ပါလား။
ရခိုင်သူမချေ အိမ်ရှိမှာ ဂီတာတီးရေခါဆရာရို့ တေးခြင်းတိကို မဆိုကတ် မတီးကတ်လို့ပါလား။
အမျိုးချစ်စိတ်ကြောင့် ရခိုင်သူ၊ရခိုင်သား ရခိုင်ခွေကိုဝယ်ကေ မာစတာခွေကိုရာဝယ်ပါသည်။
ယင်းစိတ်အခံကိုနင်းပြီးကေ ဆရာရို့၏အားစိုက်ထိုက်မှု မပါရေ အပေါစား အနုပညာအထည်ရို့နန့် ဖိမသတ်ဖို့ကို တောင်းပန်ပါယင့်ဆရာရို့လေ။

ကဗျာ၊ဝတ္တု
-------------
ဆရာရို့၏ ကဗျာ၊ဝတ္တုရို့ကို မဂ္ဂဇိန်းရို့တွင်ဖတ်ရသည်က ဆရာရို့ကဗျာ၊ဝတ္တုရို့ကို ကလောင်ခွဲဗျာယ်ဖြစ်ဖြစ် ၊ မခွဲဘဲနန့်ဖြစ်ဖြစ် ဗမာမဂ္ဂဇိန်းရို့မှာ
ပါရေ ကဗျာ၊ဝတ္တု ရို့လောက်မကောင်းစွာက ရခိုင်မဂ္ဂဇိန်းတိ အဆင့်မမှီလို့ပါလား။
ရခိုင်သားချေ ရခိုင်သမချေရို့ ကဗျာကို ခံစားဖို့ ရွတ်ဖို့ အဆင့်မမှီလို့ပါလား။
အထူးသဖြင့် ကဗျာကောင်းကေ ဗမာမဂ္ဂဇိန်းပါးကို ပို့ပစ်စွာတိကို အကျွန်အနီနန့်လည်းကြားသိနီရပါသည်။
ဆရာရို့ကလောင်ကြီးချင်လို့ပါလား။ ရခိုင်စာပီးကို မြှင့်တင်ကတ်ဖို့ ဝတ္တရားတိကိုပုတ်ချပြီးကေ နင်းပင်နင်းသတ် သတ်နီစွာပိုင်ဖြစ်တေ
အာရုံစူးစိုက်အားထုတ်မှုမပါဘဲ အပေါစားဖန်တီးထားမှုများနန့် ရလာရေ ကဗျာ၊ဝတ္တုရို့ကို ရခိုင် မဂ္ဂဇိန်း၊စာစောင်များပါးသို့ ဝေးထည့်နီခြင်းမျိုးကို
ယှောင်ကွင်းရပ်တန့်ပြီးကေ ရခိုင်စာပီကို ရခိုင်သားချေတိ မြတ်နိုးစီဖို့ ကိုတောင်းပန်ပါယင့်။
-ရခိုင်အနုပညာကို ဖန်တီးကတ်သော ရခိုင်အနုပညာသျှင်ရို့ကို အထူးလေးစားလျက်။
မှတ်ချက်။ ။အေဝီဖန်ရီး ချေသည် ပုဂ္ဂိုလ်ရီး တိုက်ခိုက်ခြင်းမဟုတ်ဘဲ စေတနာအမှန်နန့်ရာ ဝီဖန်တင်ဆက်မှုတစ်ခုရာဖြစ်ပါသည်။





Tuesday 4 December 2012

ရခိုင်ဘာသာစကားဧ့ ရ၊လ၊ယ၊ဝ ရို့ ဆက်နွယ်မှုနန့် စံရခိုင်စာပီလမ်း

ရခိုင်ဘာသာစကားဧ့ ရ၊လ၊ယ၊ဝ ရို့ ဆက်နွယ်မှုနန့် စံရခိုင်စာပီလမ်း

ရခိုင်စာပီအက္ခရာတိထဲမာ ရကောက်(ရ) ရေ အရေးပါဆုံး အက္ခရာဖြစ်တေလို့ ပြောကေ မှားဖို့မထင်ပါ။အကျွန်ရို့ဧ့ လူမျိုးဖြစ်တေ ‘ရခိုင်’ နန့် ယုံကြည်ကိုးကွယ်ရာဖြစ်တေ ‘ဘုရား’ ကို ရီးသားပြောဆိုရာမာ ရကောက် မပါကေ မပြီးရေပိုင် အကျွန်ရို့ဧ့ ယဉ်ကျေးမှုအသက်သွီးကြောဖြစ်တေ ရခိုင်စာပီကို ပြန်လည်ဖော်ထုတ်တေနီရာမာ ရကောက်(ရ) ရေ အရေးပါဆုံးအက္ခရာဖြစ်တေ။ ရခိုင်ဘာသာစကားတိပျောက်ကွယ်မလားအောင် ရကောက်(ရ) က ကျားကန်လို့ ပီးထားရေ။
ရခိုင်အက္ခရာစဉ် ဇာယားထဲမာ ယနန့်ရ ရေ တတက်ကပ်ပနာ ဟိနီကေလေ့ စကားပြောကတ်တေခါထိုးအထက်ထက်ကပင် ယသံ နန့် ရသံ ကို အလုံးကွဲအောင်ပြောကတ်တေ။ ယင်းရို့နန့် ဆက်စပ်နီရေ အပင့်၊အရစ်တိကိုလေ့ ပီပီပြင်ပြင်ပြောကတ်စွာကို တွိရရေ။ဒေသိယစကားတိကို လေ့လာကြည့်ကေရကောက်နန့် တခြားအက္ခရာတချို့အသံချင်းဆက်နွယ်မှုဟိရေပိုင် ယနန့် တခြားအက္ခရာတချို့အသံချင်းဆက်နွယ်မှုဟိကေလေ့ ရနန့်ယ ကား အသံချင်းဆက်နွယ်မှုကင်းစွာကို တွိရရေ။ ယင်းအတွက်နန့်လေ့ကျွန်သက်တမ်း နှစ်ပေါင်းနှစ်ရာကျော်ကြာလားသည့်တိုင် ရခိုင်စကားတိကို ထိန်းသိမ်းနိုင်စွာ ဖြစ်တေ။
ရခိုင်စာပီသုတေသီ ဆရာကြီးမောင်ဗသိန်းဧ့ သုတေသနပြုချက်အရ ရကောက်အသုံး(၇၈)မျိုးဟိစွာကို သိရရေ။ လူထုဆက်သွယ်ရေးစနစ်တိ ဒုံးသီးလောက်လျင်လာရေ ဧနိ့ခေ တ်မာ ဗမာစကားကို အယင်ထက်အပြောများလာကတ်ရရေအတွက်ကြောင်းတစ်ကြောင်း၊ ဗမာတေးခြင်း၊ဗမာဗွီဒီယို အစဟိရေဘာသာစကားနန့်သက်ဆိုင်ရေ ရုပ်သံပိုင်းဆိုင်ရာ လွှမ်းမိုးမှုများလာစွာကတစ်ကြောင်း ရသံတချို့ရေ ယသံအဖြစ်ဖောက်ပြန်အခြီယိုင်လာပါရေ။ ယင်းအခြီယိုင်လာရေ ရသံတိကို စာပီနန့်အနုပညာသမားရို့ကရသံနန့် ယသံ မတူအောင် အရေးတစိုက်တည့်မတ်ကျားကန်ပီးမှု အားနည်းရေအတွက် မျိုးဆက်သစ်ရခိုင်တိက ရခိုင်ရသံတချို့ဧ့ဖောက်ပြန်လာရေ ယသံကို ပင်မရခိုင်စကားသံအဖြစ် အထင်မှားလားခြင်းကို စိတ်ဆင်းရဲကြီးစွာမြင်တွိရပါရေ။ရခိုင်စာပီကို ချစ်မြတ်နိုးသူတိကရာ မထိန်းသိမ်းပါကေ ရှိ(အရှိဖက်)၊ရှီး(ရှီးခေတ်)၊ရင်(ငါးအိုးရင်)၊ ရှား(ထင်ရှား)၊ရှု(ကြည့်ရှု)၊ရှူး(မီးရှူး)၊ရွှီ(ရွှီတူပန်း)၊ရွှင်(ပျော်ရွှင်) အစဟိရေ ရခိုင်ရသံတိစွာ သင်ခါရ တရားအောက်မာ မကြာခင်ပျောက်လားနိုင်ရေ။ ရကောက်နန့် ဆက်နွယ်နီရေ ရရစ်သံတချို့လေ့သော့ ယပင့်သံဖက်ကို အခြီယိုင်လာပနာ တချို့ရသံတိကျခါ အသုံးးနည်းလာရေအတွက် ယှားပါးရခိုင်စကားတိဖြစ်လာပါလတ်တေ။တချို့ရခိုင်ရသံတိဆိုကေ ယသံဖက်ကို အခြီမယိုင်ဘဲနန့် လသံ(လဧ့အသံ)ဖက်ကို အခြီယိုင်လာစွာတွိရရေ။ဧအကြောင်းရင်းကို စီးစစ်ကြည့်ရေအခါမာလေ့ ဗမာစာပီနန့်ဘာသာစကားဧ့ ပရောဂတိရာဖြစ်နီပြန်ရေ။
စာပီအင်္ဂါရပ်တိနန့် ကိုက်ညီအောင် ဗမာစာပီမာ ရကောက်ကို ထည့်သွင်းပနာ ပြဌာန်းထားကေလေ့ နိ့စဉ်သုံးစွဲပြောဆိုကတ်တေ ဗမာစကားတိမာကား ရသံ(ရကောက်ဧ့အသံ)ကို အတွိရယှားရေ။ မသုံးမဖြစ်သုံးရရေ ပါဠိစကားတချို့လောက်ကိုရာ ရသံနန့်ဖတ်ပနာ ကျန်ရေ ရကောက်နန့်ပတ်သက်တေ အရီးအသားတိကို လသံ(လဧ့အသံ)နန့် ပြောကတ်စွာကို တွိရရေ။ပါဠိစကားက မွီးစပ်ယူထားရေ တိရိ စ္ဆာန် ကို တလိတ်ဆန် လို့ပြောကတ်ပနာ၊ ရေဒီယို၊ ကာရာအိုကေ အစဟိရေ အင်္ဂလိပ်ပါးကမွီးစပ်စကားတိကိုလေ့ လေဒီယို၊ ကာလာအိုကေ လို့ ပြောကတ်စွာတိ တွိရရေ။ ယင်းအတွက်နန့်လေ့ ဗမာတိကျွန်ပြုခံ အကျွန်ရို့ရခိုင်လူမျိုးတိမာ ဗမာတိပါးကမွီးစပ်ယူထားရေစကားဖြစ်တေ ‘လွတ်လပ်ရေး’ ကအစပြုပနာ ရခိုင်ရသံတိစွာ ဗမာတိက လသံဆိုကေ လသံ၊ဗမာတိက ယသံဆိုကေ ယသံ ဆိုပြီးကေ ဗမာဘာသာစကားနောက် တကောက်ကောက်လိုက်ပါနီစွာတွိရရေ။
ယင်းရကောက်အသုံးတိထဲက အပြောဖက်မာ မဆိုစလောက်ချေရာကျန်ပနာ အရီးဖက်ကို လုံးဝလိုက်မပါရေ ရသံတစ်ခုက ‘ရို့’ ဖြစ်တေ။ ‘ရို့’ ကို မင်းရို့၊ငါရို့၊အကျွန်ရို့ စသည်ဖြင့် သုံးကတ်တေပိုင် မဟုတ်လို့၊ဇာဖြစ်ရို့၊လားဖို့ရို့ ဆိုပနာ ပြောခကတ်စွာတိတွိရရေ။ ပလက်ဝနယ်နန့် စစ်တကောင်း တောင်တန်း ဒေသဖက်တိမာ ဒေ ရအသုံးကို အဂုထက်ထိတွိနီရသိ့ရေ။ ယေကေလေ့ ‘လို့’ ကို အသုံးများလာစွာကတစ်ကြောင်း၊ရို့နန့် လို့ ကွဲပြားစီချင်ရေ ဆင်ခြီဆင်လက်တိကတစ်ကြောင်း ယင်း ရသံစွာသင်္ခါရတရားကို မျက်မှောက်ပြုလားရစွာဖြစ်တေ။ တခြားရအသုံးတိဖြစ်တေ ရွှ(ရွှတိုက်) ၊ရွင့်(ရွင့်ပြာသတ်) ၊ရွှင့်(စပါးရွှင့်) ၊ရွတ်(ခွင့်ရွတ်)၊ ရွန်(ရွန်ဆွဲပွဲ)၊ ရွန်း(ကြိုးရွန်း)၊ ရွှဲ(ယိုင်းရွှဲ) အစဟိရေဝေါဟာရတိစွာ ရခိုင်တချို့ဧ့ပစ(ပါးစပ်)နန့် လက်ကမြင်းကတ်မှုကြောင့် လွှတိုက်၊ လွင့်ပြာသတ်၊ စပါးလွှင့်၊ခွင့်လွှတ်၊ လွန်ဆွဲပွဲ၊ ကြိုးလွန်း၊ ယိုင်းလွှဲ ဆိုပနာ ပြောင်းလဲလာပါရေ။ ယင်းပိုင် ရခိုင်ဘာသာစကားတိပြောင်းလဲလာစွာရေ ဖောက်ပြန်ရာကစစွာ ဖြစ်တေအတွက်နန့် စလို့ဖောက်ပြန်လောက်ကပင် ဆန့်ကျင်ပနာ ရခိုင်စာပီနန့် ဘာသာစကားကိုထိန်းသိမ်းကယ်တင်ကတ်ပါ။

ရသံတိရေ ထိန်းသိမ်းပြောဆိုခြင်းရေ ရခိုင်စာပီကို လက်တွိကျကျချစ်ခြင်းဖြစ်တေ။ ရသံကိုပြောဆိုရခက်တေအသံဖြစ် အကျွန်ယူဆမိပါရေ။ ဇာဖြစ်လို့လေးဆိုကေ ရခိုင်စာပီဖြစ်စဉ်တိထဲမာအသိအမှတ်ပြုမှုမဟိကေလေ့ ရှီးအထက်ထက်ကပင် ရသံတချို့ကို ဝသံ(ဝဧ့အသံ)နန့် ပြောကတ်စွာကိုတွိရရေ။ ရွာသား ကို ဝါသား၊ ရောစပ် ကို ဝေါစပ်၊ ရင်ခွင် ကို ဝင်ခွင်၊ ဆံတော်ရှင် ကို ဆံဒဝင်၊ ငါးသူရဲ ကို ငသဝဲ၊ ရီတွက် ကို ဝီတွက်၊ စာရီး ကို စာဝီး၊ရွှီတစ်ရွဲ ကို ရွှီတစ်ဝဲ၊ ရွံယှာ ကို ဝံယှာ၊ထရံတစ်ရွှား ကို ထရံတစ်ဝှါး၊ တိုးရွိ ကို တိုးဝိ ဆိုပြီးကေ ပြောဆိုမှုတိဟိရေပိုင် ပြော ကို ပေါ လို့ ပြောဆိုမှုတိရေ ဝတီလေးရပ်နီရာအနှံ့ မာဟိနီပါရေ။ ဆံတော်ရှင်၊ ငါးသူရဲနန့် စာရီး ဆိုရေ ဝေါဟာရတိရေ ဝသံအဖြစ်မပြောင်းလဲခင်မာ ဆံဒရွှင်၊ ငသရွဲ၊ စာရွီး ဆိုပြီးကေ ကြားမာ ရွ(ရကောက်ဝဆွဲ) သံ တဆင့်ပြောင်းလဲခကြောင်းတွိရရေ။ ဧစကားတိရေ မိရိုးဖလာ ရခိုင်စကားတိဖြစ်တေအတွက် အသိအမှတ်ပြုဖို့ လိုအပ်တေပိုင် အရီးဖက်မာကျခါ မူလအရီးအသားဖြစ်တေ ရသံနန့်ရာ ရီးသားသင့်ရေ။ယေမှလေ့ အကျွန်ရို့လားနီကတ်တေ ရခိုင်စာပီပန်းတိုင်ကို အလျင်ရောက်ပါလိမေ။
ရခိုင်ရသံတချို့ကို ဝသံနန့် ပြောဆိုကတ်တေပိုင် ရသံနန့် ပြောဆိုကတ်တေ ဝအရီးအသားတချို့လေ့ ဟိနီရေ။ ဝါးလုံး ကို ရလုံး၊ ဝါးပိုင်း ကို ရပိုင်း၊ ဝါးခြမ်း ကို (ရခြမ်း၊ ရှောက်ခွမ်း)၊ ဝဖြီး ကို ရဖြီး ကို ပြောဆိုကတ်စွာတိ တွိရရေ။ ဧဝေါဟာရတိမာ ဝဖြီး ကို ရဖြီး လို့ ပြောရေအတိုင်း ရီးကတ်စွာကလွဲလို့ တခြားဝေါဟာရတိစွာ အပြောသက်သက်နန့် အနီကျနီစွာတွိရရေ။ အမှန်က ရဖြီးဆိုစွာ ဂေါင်းဖြီးကတဆင့်စကားသံပြောင်းလဲလာစွာဖြစ်တေ။ဂေါင်းဖြီးကနီပမာ ဝဖြီး၊ ဝဖြီး က နီပနာ ရဖြီး ဖြစ်လာစွာရာ။ ရခိုင်စကားသံတိထဲမာ ဥ၊ဦးဂေါင်း၊နန့် ဂေါင်း နီရာတိမာ ဝ ကို ထည့်ပြောကတ်တေအတွက်ဂေါင်းဖြီးကနီ ဝဖြီး ဖြစ်လာစွာဖြစ်တေ။ ရခိုင်စကားတိထဲမာ ဥတင်း ကို ဝတင်း၊ ဦးပုသ် ကို ဝပုတ်၊ ဦးထုပ်(ဂေါင်းချုပ်) ကိုဝထုပ်၊ ဦးရာဇ် ကို ဝရာဇ် လို့ အစဉ်မလာ ပြောကတ်စွာတိကို ကြည့်ကေ သိနိုင်ပါရေ။
ရခိုင်စကားသံတိရေ ရသံ ကနီပနာ ယသံနန့် လသံ ဖက်ကို ဖောက်ပြန်ခြင်းနန့် ရသံ နန့် ဝသံရို့အပြန်အလှန် ဆက်နွယ်ပြောဆိုခြင်းတိ ဟိရေပိုင် လသံ(လဧ့အသံ)ကို ယသံ(ယှသံ၊ချသံ၊သျှသံ) နန့်ပြောဆိုကတ်စွာတိလေ့တွိရရေ။ အကျွန်ရို့ရခိုင်လူမျိုးတိရေ အလျား ကို အယား၊ အလျင် ကို အယင်၊လျော့ ကို ယော့၊ လျက်ဆား ကို ယက်ဆား၊ အလျင်း ကို အယှင်း(အချင်း)၊ လျှံ ကို ယှံ(ချံ) ၊ လျောက် ကို ယှောက်(ချောက်)၊ လျှပ် ကို ယှပ်(ချက်) ဆိုပနာ အစဉ်အလာပြောကတ်စွာတိ ဟိပါရေ။
ခေတ်ရီစီးကြောင်းတိ ပြောင်းလဲလာရေပိုင် ဘာသာစကားတိလေ့ ပြောင်းလဲတတ်စွာကားအမှန်ပင် ဖြစ်တေ။ ကောင်းမွန်သော ပြောင်းလဲမှုတိ(သို့မဟုတ်) ပရောဂမပါရေ ပြောင်းလဲမှုတိကို ကြိုဆိုသင့်ရေပိုင် တခြားဘာသာစကားတစ်ခုဧ့ပရောဂကြောင့်ဖောက်ပြန်လာရေဘာသာစကားတိကိုရခိုင်စာပီလောကသား အားလုံး ဝိုင်းဝန်းဆန့်ကျင်ကတ်ဖို့လိုပါရေ။ ယေမှလေ့ ရခိုင်စာပီကို ချစ်မြတ်နိုးရာရောက်ပနာ အကျွန်ရို့ ချစ်တေ ရခိုင်စာပီလေ့သော့ အဆင့်အတန်းမွီလာပါလိမေ။
ခိုင်မင်းဇံ(ရခိုင်ပြည်)